Hulle het die listeriose-uitbreking, die Covid-19-inperking en beurtkrag oorleef.
Maar nou sê 'n vleisverwerkingsaanleg in Pretoria-Wes die Tshwane-metroraad se gebrekkige dienslewering kan die laaste strooi wees wat die onderneming laat ondergaan.
Theron's Vleis-produkte is reeds sedert 1983 die plek waar veral behoeftige inwoners hulle rande kan rek.
Maar met knaende elektrisiteits- en waterprobleme word dit al hoe moeiliker om die deure oop te hou.