Inwoners van Nxuba in Oos-Kaap raadop oor waterrekeninge

Nxuba, Oos-Kaap - Inwoners van Nxuba in die Oos-Kaap is ontevrede met die Chris Hani-distriksmunisipaliteit se optrede.

Die munisipaliteit is besig om agterstallige skuld in te vorder, maar inwoners sê dit is ongevoelig om dit net voor die feestyd te doen.

Wanbetalende verbruikers se water is ook afgesny, en die munisipaliteit word daarvan beskuldig dat hulle dit doen sonder om die verwoestende impak wat dit op besighede het, in ag te neem.