DELFT, WES-KAAP - 'n Amptenaar van die Stad Kaapstad is helder oordag, buite 'n bouperseel doodgeskiet.
Wendy Hendricks-Kloppers, van die stad se departement van omgewingsgesondheid, was besig om die perseel in Delft te inspekteer toe sy vermoor is.
Die aanvallers is glo deel van die sogenaamde konstruksiemafia.
Die Stad het 'n beloning van R100 000 uitgeloof vir inligting wat tot die inhegtenisneming en vervolging van die moordenaars sal lei.