Louis van Niekerk is Woensdag gehuldig as 'n teaterlegende en 'n kampvegter vir diegene in die uitvoerende kunste.
Die veteraanakteur is Dinsdag op 87-jarige ouderdom dood ná 'n stryd teen kanker.
Hy het sy debuut op 12-jarige ouderdom in die verhoogstuk "Ek Onthou vir Mamma" gemaak, die begin van een van die langste loopbane in die Afrikaanse vermaakbedryf.
Onlangs was hy nog te sien in die sepie Getroud Met Rugby, wat in 2022 geëindig het.