Van die klaskamer na Kilimanjaro: Pretoria Boys klim tot die kruin vir medeleerlinge

Talle leerlinge en onderwysers het waarskynlik die winterskoolvakansie snoesig onder die komberse deurgebring.
Ander het in temperature onder vriespunt Afrika se hoogste berg aangedurf.
'n Groep van Pretoria Boys High School het pas na Suid-Afrika teruggekeer nadat hulle die kruin van Kilimanjaro bereik het.
Onder die klimmers was 'n leerling, oudleerling en twee onderwysers.
Met hulle Boys Higher-veldtog het hulle fondse ingesamel vir die Suid-Afrikaanse Heldesaal se Legacy-projek, wat gebruik word om behoeftige leerlinge te ondersteun.