Sommige mense meen hulle is aggressief en onbeheerbaar terwyl ander sê dis onverantwoordelike eienaars wat dié honderas 'n slegte naam gee.
PRETORIA, GAUTENG - 'n Aanlyn versoekskrif om pitbulls as troeteldiere in Suid-Afrika te verbied, is al deur meer as 100 000 mense onderteken.
Die Sizwe Kupelo-stigting het die petisie in Oktober 2022 opgestel nadat die 10-jarige Storm Nuku in Gqeberha deur twee pitbulls doodgebyt is.
Ondersteuning vir die voorgestelde verbod het toegeneem nadat die 8-jarige Olebogeng Mosime in Bloemfontein deur bure se pitbull verskeur is.